МАЪЛУМОТНОМА

Муинӣ Мавсума Муинзода 8-уми октябри соли 1981 дар шаҳри Хуҷанди вилояти Суғд, дар оилаи коргар таваллуд шудааст.

Соли 1998 мактаби миёнаи №23-и шаҳри Хуҷандро бо медали тилло хатм кардааст.

Пас аз хатми мактаби миёна, соли 1998, ба факултети ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон дохил шуда, онро муваффақона бо дипломи аъло, соли 2003 бо ихтисоси «Ҳуқуқшинос» хатм кардааст.

Фаъолияти меҳнатии худро аз моҳи сентябри соли 2003 ба ҳайси ассисенти кафедраи ҳуқуқ ва мурофиаи ҷиноятии факултети ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон оғоз намуда, то соли 2009 ба ҳайси омӯзгори кафедраи ҳуқуқи судӣ ва назорати прокурорӣ, инчунин сармуаллимаи кафедраи ҳуқуқи ҷиноятӣ ва криминалистикаи факултети ҳуқуқшиносии донишгоҳи номбурда фаъолият намудааст.

Аз 30 – юми сентябри соли 2009, дар асоси қарори Ҳукумати Ҷумҳурии Тоҷикистон (№523), то 12-уми июли соли 2014 дар вазифаи муовини раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон ва тибқи қарори Ҳукумати Ҷумҳурии Тоҷикистон аз 12.07.2014; №474 то 12-уми январи соли 2017 ба ҳайси муовини якуми раиси Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон кору фаъолият намудааст. 12-уми январи соли 2017 ба ҳайси муовини Раиси шаҳри Душанбе таъин гардида, то 26-уми январи соли 2022 кору фаъолият намудааст.

Бо Фармони Президенти Ҷумҳурии Тоҷикистон аз 26-уми январи соли 2022, №324 иҷрокунандаи вазифаи раиси шаҳри Бӯстон ва бо Фармони навбатии Президенти Ҷумҳурии Тоҷикистон аз 30 майи соли 2022, № 392  раиси шаҳри Бӯстон таъин гардидааст.

Солҳои 2014-2018 муовини якуми Раиси Иттифоқи ҷавонони Тоҷикистон буд.

Солҳои 2007-2011 аспиранти шуъбаи ғоибонаи Донишгоҳи давлатии Хуҷанд ба номи академик Б.Ғафуров буда, рисолаи номзадиро, соли 2019, дар мавзӯи «Иштироки ҷавонон дар дигаргунсозии иҷтимоӣ – иқтисодӣ дар солҳои истиқлолият дар Ҷумҳурии Тоҷикистон (1991-2018)» ҳимоя кардааст.

Номзади илмҳои таърих мебошад.

Соли 2019 маълумоти дуюми худро аз рӯи ихтисоси “Иқтисодиёт ва идоракунӣ дар корхонаҳо”-и Донишгоҳи давлатии тиҷорати Тоҷикистонро хатм кардааст.

Давоми фаъолияти меҳнатӣ бо Сипосномаву Ифтихорномаҳо ва дигар мукофотҳо сарфароз гардидааст. Аз ҷумла: Ифтихорномаи Кумитаи кор бо занон ва оилаи назди Ҳукумати Ҷумҳурии Тоҷикистон (2011), Ифтихорномаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон (2011 ва 2017), медали ҷашни «20-солагии таъсисёбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон» (2014), Медали ҷашнии «15-солагии Гвардияи миллии Ҷумҳурии Тоҷикистон» (2015), Медали ҷашнии 25-солагии ТҶММ-и Ҷумҳурии Тоҷикистон (2016), Медали ҷашнии 10-солагии Қувваҳои Мусаллаҳи Ҷумҳурии Тоҷикистон (2017), нишони сарисинагии 20-солагии Ассамблеяи байналмилалии пойтахтҳо ва шаҳрҳои бузург (МАТ) (2018), Медали ҷашнии 15-солагии Қувваҳои мусалаҳи Ҷумҳурии Тоҷикистон (2019), аълочии фарҳанги Ҷумҳурии Тоҷикистон (2019), Медали ҷашнии «25-солагии Гвардияи миллии Ҷумҳурии Тоҷикистон» (2020), Ифтихорномаи Иттифоқи ҷавонони Тоҷикистон (2020), Сипосномаи Ҳизби Халқии Демократи Тоҷикистон (2020),  Медали ҷашнии 25-солагии Қувваҳои Мусаллаҳи Ҷумҳурии Тоҷикистон (2021), сипосномаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон (2021), аълочии маориф ва илми Ҷумҳурии Тоҷикистон (2021)».

Бо Фармони Президенти Ҷумҳурии Тоҷикистон аз 10-уми августи соли 2015, №530 бо медали «Хизмати Шоиста» сарфароз гардонида шуд.

Дорои рутбаи ҳарбии «Капитан».

Муинӣ Мавсума Муинзода аз соли 2010 узви Ҳизби Халқии Демократии Тоҷикистон мебошад. Оиладор, соҳиби ду фарзанд.